9. Gethin Jones 366
Gethin Jones o Langollen yn cynrychioli Cymru ddaeth yn 9fed yn y rownd gyn-derfynol gyda 366 o bwyntiau gyda’i ast 5 mlwydd a 9 mis Eira. Dyma’r Treialon Cwn Defaid y Byd cyntaf i’r ffermwr 22 mlwydd oed gystadlu ynddynt.
10. Kevin Evans 364
Dyma’r ail dro i Kevin Evans o Libanus, Aberhonddu, gyrraedd y rownd gyn-derfynol. Fe ddaeth yn 10fed yma gyda 364 o bwyntiau, y tro hwn gyda’i gi 4 blwydd oed Mirk.
11. Richard Millichap 359
Roedd y Cymro Richard Millichap yn cystadlu ddwywaith yn y rownd gyn-derfynol. Fe ymddangosodd yma gyda’i ast 8 blwydd a 7 mis oed Taddymoor Cap gan gipio 359 o bwyntiau. Mae’r ffermwr wedi dod yn ail ddwywaith yn y Treialon Rhyngwladol ac wedi ennill y gystadleuaeth deledu ‘One Man and his Dog’ yn 2001.
12. Jim Wilson 359
Jim Wilson o Seland Newydd ddaeth yn 12fed yn rownd gyn-derfynol y Treialon gyda 359 o bwyntiau gyda’i gi Tweed.
13. David John Wood 359
David John Wood o dîm Lloegr orffenodd yn y 13eg safle yn y rownd gyn-derfynol gyda 359 o bwyntiau gyda’i ast Moe.
14. Ged Watson 359
Ged Watson o Loegr ddaeth yn 14eg yn y rownd gyn-derfynol gyda’i gi 7 blwydd oed Eryri Rock. Fe gafodd 359 o bwyntiau. Dyma’r tro cyntaf iddo gystadlu yn Nhreialon Cwn Defaid y Byd. Fe fyddai wedi gallu dewis cystadlu dros Gymru gan ei fod yn treulio 6 mis o’r flwyddyn yn Nyfnaint yn gofalu am gŵn hela a’r 6 mis arall yn Aberhonddu yng Nghymru!
15. Ron Snoeck 354
Fe ddaeth Ron Snoeck o’r Iseldiroedd yn ail agos i Aled Owen yn Nhreialon 2008 gyda’i ast 6 blwydd oed Nell. Dim ond un pwynt merit oedd rhyngddo â’r enillydd – 643. Dyma’r trydydd tro iddo gystadlu yn Nhreialon y Byd ac mae wedi ennill Pencampwriaeth Cyfandirol ddwywaith a Phencampwriaeth Rhyngwladol yr Iseldiroedd deirgwaith, dwywaith gyda Nell.
16. Tony Ottesen 349
Tro Denmarc i wneud eu marc; fe ddaeth Tony Ottesen yn 16eg yn y rownd gyn-derfynol gyda 349 o bwyntiau. Roedd yn cystadlu gyda’i gi 4 blwydd a hanner, Bob. Mae’r ci yn fab i gi Serge Van Der Zweep oedd yn cynrychioli’r Iseldiroedd yn y Treialon ac ast Aled Owen. Eleni’n barod, mae Tony wedi ennill Pencampwriaeth Scandinafia.